Pieramožcaŭ dziaržaŭnaha konkursu «Nacyjanalnaja litaraturnaja premija» 2016 hoda ŭšanoŭvali siońnia ŭ Połacku, pieradaje karespandent BiełTA.
Pieramožcam u naminacyi «Najlepšy tvor prozy» stała piśmieńnica Ludmiła Rubleŭskaja za raman «Avantury Pranciša Vyrviča, zdradnika i kanfiederata».
U naminacyi «Najlepšy tvor paezii» pieramoh Anatol Aŭrucin za knihu paezii «Prośvietlenije», u naminacyi «Najlepšy tvor dla dziaciej i junactva» - Michaś Paźniakoŭ za knihu «Voziera Dziva». Pieramožcam u naminacyi «Najlepšy tvor dramaturhii» staŭ Vasil Tkačoŭ za zbornik pjes «Charaktary».
Aŭtaram najlepšaha tvory publicystyki žury pryznała Zinovija Pryhodziča za zbornik «Postaci».
«Tajnapis Andreja Mryja: padtekst realij tvorčaści piśmieńnika» Valeryja Nazarava pieramoh u naminacyi «Najlepšy tvor litaraturnaj krytyki i litaraturaznaŭstva».
Pieramohu ŭ naminacyi «Najlepšy debiut» atrymała Marharyta Łatyškievič sa zbornikam «Jabłyki».
Usim pieramožcam uručanyja dypłomy i simvały premii. Łaŭreataŭ Nacyjanalnaj litaraturnaj premii pavinšavali vice-premjer Vasil Žarko, ministr infarmacyi Lilija Ananič, ministr kultury Barys Śviatłoŭ, staršynia praŭleńnia Sajuza piśmieńnikaŭ Biełarusi Mikałaj Čarhiniec.
Za šmathadovuju plonnuju pracu, vysoki prafiesijanalizm i značny asabisty ŭkład u raźvićcio nacyjanalnaj kultury Hanarovaja hramata Administracyi Prezidenta Respubliki Biełaruś uručanaja litarataru Siarhieju Davidoviču.
Usiaho ŭdzieł u konkursie ŭziali ŭdzieł 40 viadomych aŭtaraŭ. Najbolš papularnymi stali dźvie naminacyi - «Paezija» i «Dziciačaja litaratura». Na kožnuju ź ich było padadziena pa 10 zajavak.
Premija zasnavanaja ŭ 2015 hodzie. Zasnavalniki konkursu - Ministerstva infarmacyi, Ministerstva kultury, Ministerstva adukacyi, Minharvykankam i hramadskaje abjadnańnie «Sajuz piśmieńnikaŭ Biełarusi».
