Na dniach u Minsku adkryli pierachod ź leśvicami da HC «Stalica». Niekalki miesiacaŭ bok vychadu da mietro i prypynku byŭ pierakryty na demantaž, a da jaho hadami prastojvaŭ niepracujučy eskałatar. Pa daručeńni kiraŭnika horada Andreja Šorca eskałatar zamianili zvyčajnymi prystupkami, piša Tut.by.
Eskałatar ŭ pierachodzie la HC «Stalica» byŭ ustalavany ŭ 2003 hodzie. U sakaviku 2013 jon złamaŭsia, eskałatar papravili, praz dva hady leśvicu znoŭ spynili i patłumačyli heta vialikim znosam i niemahčymaściu vykarystoŭvać jaho dalej. Nastupnyja niekalki hadoŭ minčanie byli vymušanyja padymacca pa vysokich krutych prystupkach, a nie jechać, jak heta było zapłanavana pieršapačatkova.
U žniŭni 2016 hoda kiraŭnik horada Andrej Šorac padčas žyvoj linii z haradžanami skazaŭ, što mianiać eskałatar na novy nie buduć. Bo na toj momant heta kaštavała b 8 miljardaŭ niedenaminavanych rubloŭ (heta značyć, 800 tysiač paśla denaminacyi), tamu paabiacaŭ, što nieŭzabavie jaho zamieniać zvyčajnymi prystupkami.
