U Arhanizacyi Abjadnanych Nacyj zaniepakojenyja adsutnaściu vynikaŭ rasśledavańnia zabojstva Paŭła Šaramieta. Pra heta na prezientacyi dakłada AAN apaviedamiła staršynia manitorynhavaj misii AAN pa pravach čałavieka va Ukrainie Fijona Frejzer.
«Zaniepakojenaść vyklikaje pasłableńnie abarony vykazvańnia mierkavańniaŭ u ŚMI. Minuła krychu bolš za hod paśla zabojstva žurnalista Paŭła Šaramieta, adnak rasśledavańnia jaho śmierci niama», — zajaviła Frejzier.
Taksama jana dadała, što pačaścilisia vypadki vysyłki zamiežnych žurnalistaŭ za antyŭkrainskuju prapahandu.
U 19-m dakładzie AAN ab situacyi z pravami čałavieka va Ukrainie taksama paviedamlajecca, što na niepadkantrolnaj Ukrainie terytoryi hramadzianie z praŭkrainskimi pohladami padviarhajucca zapałochvańniu i fizičnaj niebiaśpiecy.
