Columbia University Medical Center
Na nievialikim frahmiencie klejkaj stužki raźmieščana mnostva mikraihołak, dziakujučy jakim nanačaścicy preparata pranikajuć u arhanizm i spryjajuć pieratvareńniu biełych tłuščavych kletak u buryja, jakija potym rasščaplajucca, udzielničajučy ŭ termahienezie — vydzialeńni ciapła.
U apošnija hady byli raspracavanyja roznyja preparaty, jakija spryjajuć pieraŭtvareńniu biełaha tłušču ŭ bury, ale ŭsie jany byli ŭ formie tabletak ci injekcyj i vałodali pabočnymi efiektami: zasmučeńniem straŭnika, pavyšeńniem łomkaści kostak abo pavieličeńniem masy cieła. Forma ž płastyru ź mikraihołkami dazvoliła vyrašyć hetuju prablemu.
Płastyr treba prykleić da toj vobłaści, u jakoj patrabujecca pieraŭtvaryć biełyja tłuščavyja kletki ŭ buryja, i preparat budzie dastaŭleny prosta da tłuščavaj tkanki.
Navukoŭcy pratestavali płastyr na myšach z atłuścieńniem, vykarystoŭvajučy jaho raz na try dni na praciahu čatyroch tydniaŭ. Na adzin bok myšy jany pryklejvali płastyr z preparatam, na druhoj — biez. Pa vynikach ekśpierymientu na tym baku, dzie znachodziŭsia płastyr z preparatam, kolkaść tłušču źmienšyłasia na 20%.
Testy na ludziach pakul nie pravodzilisia, ale daśledčyki spadziajucca, što ich vynachodnictva z časam dazvolić zmahacca z takimi prablemami, jak atłuścieńnie i dyjabiet.
