Viarnucca dachaty: navuka rodam z Palessja
Mazyrščyna. Paleśsie. Kraj zamovaŭ i hłybokaj unutranaj siły viartaje Biełarusi lepšaje. Mienavita ŭ hetych miaścinach žyvie siońnia piśmieńnik, jaki źmianiŭ zakony i praviły ŭnutry biełaruskaj litaratury — Andruś Horvat. Jon źmianiŭ ujaŭleńnie pra toje, jak možna, a taksama zrabiŭ viadomym imia rodnaj vioski — Prudok. Na terytoryi adnaho ź im rajona — Mazyrskaha — znachodzicca vioska Krušniki. Ź jaje rodam inšy biełarus, Anatol Junicki — inženier, jaki stvaryŭ strunny transpart, jaki moža źmianić praviły hulni ŭ suśvietnaj transpartnaj śfiery.
Junickija žyvuć u Krušnikach z ChICh stahodździa. Pamieščyk Piotr Šumski pryvioz troch bratoŭ Junickich z-pad Varšavy da siabie na Prypiać, jany i zasnavali budučyja vioski: Krušniki, Zładziejeŭku i Zialony Moch. Novyja žychary radasna brali ŭ žonki miascovych pryhažuń, rod razrastaŭsia. Da 37ha hoda. NKVD źniščyła bolšuju častku roda Junickich. Baćka Anatola — Eduard Pietrovič — sabraŭ usie dadzienyja pra rasstralanych i źnikłych bieź viestak. Sama siamja zarhanizavałasia i ŭstalavała pamiatny abielisk u pamiać pra Junickich, zahinułych ad represij u tyja lichija hady. Baćka vioŭ tajemny sšytak, dzie zachoŭvaŭ dadzienyja pra ŭsich, chto byŭ rasstralany, ŭklučna sa svaimi baćkami. Hety sšytak potym trapiŭ da Anatola.
Fota z knihi Anatola Baroŭskaha «Junickaha niabiesnyja darohi»
U kancy śpisa represavanych vieršy baćki Anatola Eduardaviča:
Rieprieśsirovannym iz dierievni Krušniki
…Čiornyj voron…voron čiornyj
S kluvom ostrym i kohtiami…
Emhebisty-stalinisty,
Sotvorili čto vy s nami,
Viek žiestokij i krovavyj
Ludskoj krovi tiekut rieki,
U antichrista jesť nravy
Ludojedov-čiełoviekov…
Hdie Hospod́, vied́ On žie vidit
Satany razhuł biezbožnyj…
Nietu sił stierpieť takoje —
Raźvie možno? Raźvie možno?!
Žyćcio pamatała pa Sajuzie i samoha Anatola Junickaha: Bajkanur, Homiel, Padmaskoŭje. Pakaštavaŭ navukoviec realij dzievianostych i rynku ŭ Rasii, dzie biurakratyja prosta vyniščyła vyprabavalny palihon u Aziorach. U vyniku niekalki hod tamu biełarus viarnuŭsia na Radzimu i za paru hod uźvioŭ na pustcy zakinutaha tankavaha palihonu ŭ Marjinaj Horcy ceły EkaTechnaPark.
Što takoje EkaTechnaPark
Dla pravincyjnaj Marjinaj Horki vypravabavalny centr strunnaha transparta staŭ sapraŭdnym vyratavańniem i ŭdychnuŭ u nievialiki horad novaje žyćcio. Jon zaniaŭ 36 hiektaraŭ dla ŭźviadzieńnia trasaŭ i infrastrukturnych zbudavańniaŭ: uzor stancyi, pramoj i pravisajučaj puciavoj struktury. Samo ZAT «Strunnyja technałohii» chutka vyrasła da pradpryjemstva z kolkaściu supracoŭnikaŭ bolej za 300, siarod ich — inženiery, jakija pracavali nad stvareńniem Jo-mabila i «MAZ-Jaravit».
Druhi hod zapar na EkaFest uletku źjazdžajucca ludzi z usiaho śvietu. 5000 haściej sioleta stali ŭ Marjinaj Horcy niezafiksavanym rekordam ujaznoha turyzmu. Lohki haradski junibajk užo paznavalny, a voś dvuchvahonny 48-miesny birelsavy junibus i hruzavy junitrak byli pakazanyja šyrokaj publicy tolki niadaŭna.
Junibus (śpieradu) i junibajk — asnoŭnyja transpartnyja srodki
Mienavita ŭ EkaTechnaParku stvaralniki abiacajuć prademanstravać usie z kirunkaŭ innavacyjnaj sistemy. Junicki pryśviaciŭ stvareńniu strunnaha transparta ŭsio žyćcio, i try hienieracyi ŭ raźvićciu STIU stali asnovaj dla čaćviortaha, jakoje i realizujecca ŭ Biełarusi. Aktyŭnaja praca nad im viałasia kalektyvam inženieraŭ, kanstruktaraŭ i daśledčykaŭ ciaham 2011-2015 hadoŭ.
Siońnia hości ETP mohuć ubačyć, jak vyhladaje ŭ dziejańni hruzavy, pasažyrski i mižharodni transpart: junikar, junibajk i junibus. Bolej za toje, vysokachutkasnaja trasa budzie praciahnutaja za miežy ŭčastku jašče na 16 km, dla taho, kab prademanstravać chutkaść ruchu da 500 km/hadzinu.
Adzin z kirunkaŭ raźvićcia EkaTechnaParka — ekałahičny. Technałohija prapanoŭvaje pamiańšeńnie spažyvańnia pryrodnych resursaŭ u praceśsie budoŭli. Dla stalicy jakaja raście i abłasnych centraŭ transpartyroŭka ludziej u pryharady z aeraportami i turystyčnymi zonami źjaŭlajecca adnym z najbolej aktualnych pytańniaŭ. Na terytoryi ETP stvaralnikami zasadžanyja sady, asobny kirunak — vytvorčaść uradlivaha humusa.
Na Uschod!
Praca pradpryjemstva nie zastałasia pa-za ŭvahaj ekanamistaŭ i ZAT «Strunnyja technałohii» stała častkaj niadaŭniaj aficyjnaj delehacyi ŭ Indyju. Pad čas abmierkavańnia vynikaŭ biznes-foruma ŭ Ńju-Deli, jaki adbyŭsia ŭ pres-centry BiełTA, staršynia Biełaruskaj handlova-pramysłovaj pałaty Uładzimir Ułachovič asobna padkreśliŭ rolu SkyWay.
«U Indyi byŭ pradstaŭleny naš strunny transpart, kampanija SkyWay zrabiła prezientacyju na forumie i padrychtavała dva miemarandumy. Adzin ź ich tyčycca realizacyi takoha transpartnaha prajekta ŭ adnym z partoŭ na ŭźbiarežžy Indyi», — patłumačyŭ jon.
Prajektami biełarusa cikaviacca adrazu ŭ niekalkich indyjskich štatach, a Dałaj-łama ŭžo paśpieŭ zaprasić Junickaha asabista i vydać «błasłavieńnie» ŭ jaho pačynańniach. Nie treba šukać u hetym zanadta hłyboki sens — doŭhija hady duchoŭny lider žyvie ŭ vyhnańni ŭ harystaj miascovaści štatu Džarkchand i prostaja čałaviečaja patreba ŭ narmalnym transparcie ułaścivaja kožnamu z nas.
Histaryčnaja sustreča z Dałaj-łamaj
My praciahniem sačyć za hetym prajektam i jaho raźvićciom u Biełarusi i Indyi.
Publikujecca na pravach rekłamy
