Premjer-ministr Vialikabrytanii Tereza Mej zajaviła ab nieabchodnaści dvuchhadovaha pierachodnaha pieryjadu paśla «breksitu», na praciahu jakoha handal z krainami Jeŭrasajuza budzie vieścisia na raniejšych umovach, paviedamlaje VVS.
«Na praciahu hetaha implemientacyjnaha pieryjadu dostup da rynkaŭ zachavajecca ŭ tym vyhladzie, u jakim jon isnuje ciapier, i Brytanija taksama pavinna prymać udzieł u zabieśpiačeńni ciapierašnich mier biaśpieki», — skazała Mej padčas vystupu ŭ italjanskaj Fłarencyi.
Brytanski premjer taksama prapanavała zaklučyć novuju damovu, jakaja, pa jaje słovach, zrobić adnosiny ŭ śfiery biaśpieki Vialikabrytanii i ES jašče bolš ciesnymi.
Mej paćvierdziła, što Brytanija pakinie ES u sakaviku 2019 hoda, adnak nie skazała, kolki jana maje namier płacić u jeŭrapiejski biudžet na praciahu hetych dvuch hadoŭ. Pavodle acenak ekśpiertaŭ, hetaja suma składaje kala 20 młrd jeŭra.
U svajoj vialikaj pramovie Mej taksama patłumačyła, što padčas pierachodnaha pieryjadu jeŭrapiejskija hramadzianie pa-raniejšamu zmohuć svabodna pryjazdžać u Vialikabrytaniju, ale pavinny buduć prachodzić praceduru rehistracyi.
«Padčas pieryjadu implemientacyi ludzi pa-raniejšamu zmohuć pryjazdžać, žyć i pracavać u Vialikabrytanii, ale budzie sistema rehistracyi - heta važnaja častka padrychtoŭki da novaha režymu», — dadała jana.
Hałoŭny pieramoŭščyk ad ES pa «breksicie» Mišel Barńje nazvaŭ pramovu Mej kanstruktyŭnaj i adznačyŭ, što jana demanstruje žadańnie prasunucca napierad u pieramoŭnym pracesie. Jon taksama skazaŭ, što Jeŭrasajuz hatovy abmierkavać zapyt Mej ab dvuchhadovym pierachodnym pieryjadzie.
«Čym chutčej my dasiahniem pahadnieńnia ab pryncypach uzhodnienaha vychadu ŭ roznych halinach i ab umovach mahčymaha pierachodnaha pieryjadu, tym chutčej my budziem hatovyja pačać kanstruktyŭnyja pieramovy ab našych budučych adnosinach», — havorycca ŭ zajavie Barńje.
