Partniory Biełarusi pavinny mieć abjektyŭny pohlad na padziei, jakija adbyvajucca ŭ krainie. Pra heta zajaviŭ siońnia žurnalistam ministr zamiežnych spraŭ Biełarusi Uładzimir Makiej pa vynikach pieramovaŭ ź dziaržministram pa spravach Jeŭropy i Amieryki MZS Vialikabrytanii Ałanam Dunkanam, piša BiełTA.
Kiraŭnik biełaruskaha zamiežnapalityčnaha viedamstva raskazaŭ, što padčas vizitu ŭ Biełaruś Ałan Dunkan sustrakaŭsia z pradstaŭnikami roznych katehoryj hramadzianskaj supolnaści, u tym liku z kiraŭnictvam i členami jak uradavych, tak i niaŭradavych arhanizacyj.
«Samaje važnaje, kab u našych partnioraŭ isnavaŭ abjektyŭny pohlad na toje, što adbyvajecca ŭ Biełarusi. Tak, my majem niedachopy, my majem prablemy. Ale važna nie demanizavać tuju ci inšuju krainu zavočna, navat nie pabyvaŭšy ŭ joj. Važna mieć realny, abjektyŭny pohlad na situacyju, tamu što heta dazvalaje abmiarkoŭvać isnujučyja prablemy adkryta, sprabavać znajści ich rašeńnie, navat, moža być, kampramisnaje. heta stvaraje dobruju asnovu dla pazityŭnaha ruchu ŭ budučyniu», - pierakanany Uładzimir Makiej.
U svaju čarhu brytanski ministr adznačyŭ, što na minułych sustrečach padymalisia samyja roznyja, navat niazručnyja dla biełaruskaha boku temy.
«Kali my abmiarkoŭvali ich, mnie impanavała taja ščyraść, jakaja była z boku biełaruskich kaleh pry abmierkavańni hetych pytańniaŭ», - skazaŭ Ałan Dunkan.-
