UUS Minabłvykankama
Supracoŭniki Staradarožskaha RAUS u minułyja vychodnyja šukali 85-hadovuju žycharku Šapčycaŭ: źniasilenuju staruju žančynu znajšli ŭ bałocie, paviedamlaje UUS Minskaha abłvykankama.
Ranicaj 23 vieraśnia ŭ dziažurnuju častku Staradarožskaha RAUS źviarnułasia žycharka Šapčycaŭ i raspaviała, što jaje 85-hadovaja adnaviaskoŭka adpravilisia napiaredadni dniom u les ŭ jahady i nie viarnułasia.
Na miesca zdareńnia vyjechała apieratyŭnaja hrupa. Paśla apytańnia miascovych žycharoŭ milicyjanty prajechali pa navakolli, ale biezvynikova. Pačałosia pračesvańnie lesu. Dla pošukaŭ padniali pa tryvozie asabisty skład Staradarožskaha RAUS, pryciahnuli rabotnikaŭ MNS i lashasa. Da 12:00 staruju žančynu šukali ŭžo kala 50 čałaviek, z pavietra terytoryju abśledavaŭ bieśpiłotnik. Z nadychodam ciemry, paśla prachodžańnia vialikaha ŭčastka bałota, było pačata jašče adno koła pošukaŭ z vykarystańniem siren i hučnahavarylnikaŭ.
A pałovie siomaj milicyjant Jury Miadźviedski adčuŭ słaby žanočy kryk. Jon pabačyŭ źniasilenuju žančynu. Zachapiŭšysia zboram jahad, jana mocna pahłybiłasia ŭ les, a kali stała viartacca, to zmaryłasia i ŭžo nie mahła samastojna pierasoŭvacca. Milicyjanty pad ruki vyvieli paciarpiełuju z bahnistaha ŭčastka i pieradali miedykam. U ciapierašni čas jaje ahulny stan narmalizujecca.
