Padčas vizitu ŭ Biełaruś kiraŭnik Čačni Ramzan Kadyraŭ mieŭ sustrečy z prezidentam Biełarusi Alaksandram Łukašenkam, premjer-ministram Andrejem Kabiakovym, naviedaŭ Minski aŭtamabilny zavod, a taksama sustreŭsia z kaŭkazskaj dyjasparaj Biełarusi.
Jašče adnu sustreču Ramzan pravioŭ z pamočnikam Łukašenki pa pytańniach bieśpieki, starejšym synam kiraŭnika Biełarusi Viktaram Łukašenkam.
«Rehijon Rasii — Čačnia — źjaŭlajecca adzinaj terytoryjaj u śviecie, dzie całkam pieramožany teraryzm, — napisaŭ Kadyraŭ. — My ź Viktaram Alaksandravičam abmierkavali mahčymyja miechanizmy ŭzajemadziejańnia ŭ šerahu kirunkaŭ i znajšli poŭnaje parazumieńnie».
«My ź Viktaram Alaksandravičam daŭno ŭžo źjaŭlajemsia sapraŭdnymi siabrami, pamiž jakimi skłalisia praŭdziva brackija adnosiny! Ja heta caniŭ i caniu! Dźviery Čačni i majho doma zaŭsiody adkrytyja dla Viktara Alaksandraviča!» — skončyŭ post Kadyraŭ.
Ramzan Kadyraŭ — syn Achmata Kadyrava, jaki ŭznačalvaŭ Čačniu ad 2000 da 2004 hadoŭ, da zabojstva. U 2007 hodzie Čačniu ŭznačaliŭ Ramzan Kadyraŭ.