Siońnia parłamient Estonii ŭ trecim čytańni pryniaŭ zakon, zhodna ź jakim u krainie budzie zabaroniena vykarystoŭvać dzikich žyvioł u cyrkach, paviedamlaje Err.ee.
AFP
U padtrymku zakonaprajekta vykazałasia pieravažnaja bolšaść deputataŭ — 83, adzin ustrymaŭsia, hałasoŭ «suprać» padadziena nie było.
Zakanadaŭčaja inicyjatyva praduhledžvaje, što adkryta demanstravać žyviolinu publicy možna budzie, tolki kali heta dazvalaje rabić śpiecyfika jaje pavodzin i ładu žyćcia, a taksama, kali heta adbyvajecca biez škody jaje zdaroŭju.
Śpis vidaŭ, jakich možna budzie vystaŭlać na vystavach, spabornictvach, aŭkcyjonach i inšych adkrytych mierapryjemstvach budzie vyznačany ministram sielskaha žyćcia.
Jak paviedamili abaroncy žyvioł, jany ŭdziačnyja ŭsim tym palitykam, chto prahałasavaŭ za hety zakon, adnak u budučyni jany praciahnuć baraćbu za toje, kab u Estonii było zabaroniena vykarystańnie ŭ cyrku lubych vidaŭ žyvioł.