Kiraŭnik kamiteta načalnikaŭ štaboŭ US ZŠA hienierał Džozef Danfard zajaviŭ, što KNDR chutka moža abzavieścisia mižkantynientalnaj balistyčnaj rakietaj ź jadziernaj bojehałoŭkaj.
Pra heta jon skazaŭ na słuchańniach u sienacie, na jakich prachodzić paŭtornaje zaćviardžeńnie jaho na pasadzie. Tranślacyju viadzie telekanał C-SPAN.
«Sienatar, ja miarkuju, što my pavinny ličyć, što ŭ Paŭnočnaj Karei jość takaja mahčymaść», — adznačyŭ jon.
Pa słovach Danfarda, takaja rakieta moža być stvoranaja «ŭ vielmi karotki pramiežak času».
Jon rastłumačyŭ, što «jość techničnyja momanty, jakija jašče nie byli vyprabavanyja» ŭ KNDR, ale heta nie pieraškodzić im zaviaršyć raspracoŭki.
«Liču, što my pavinny zychodzić z taho, što KNDR vałodaje takimi mahčymaściami i budzie ich prymianiać», — padkreśliŭ Danfard.
