Jeŭrapiejskamu Sajuzu nieabchodnyja ahulny abaronny biudžet i sumiesnaja armija. Pra heta zajaviŭ, vystupajučy pierad studentami Sarbony z prahramnaj pramovaj ab refarmavańni ES, prezident Francyi Emaniuel Makron, paviedamlaje DW.
«Biaśpieka — heta asnova luboj palityčnaj supolnaści», miž tym Jeŭropa sutyknułasia z padvojnym vyprabavańniem — «pastupovym i niepaźbiežnym» adčužeńniem ZŠA i pahrozy teraryzmu, padkreśliŭ Makron. Na jaho dumku, ahulnajeŭrapiejskaja armija pavinna źjavicca da 2020 hoda ŭ dadatak da ŭzbrojenych sił NATA.
Zakranuŭšy pytańni ekanomiki, francuzski prezident paŭtaryŭ ideju, ź jakoj nieadnarazova vystupaŭ u chodzie vybarčaj kampanii: jon pierakanany, što krainam, jakija ŭvachodziać u zonu jeŭra, nieabchodny adziny biudžet. Adnoj z mahčymaściaŭ finansavańnia takoha biudžetu mahło b stać uviadzieńnie śpiecyjalnaha padatku, zajaviŭ Emaniuel Makron. Tolki zona jeŭra «z mocnaj i mižnarodnaj valutaj» moža zabiaśpiečyć asnovu dla jeŭrapiejskaj ekanomiki, zdolnaj skłaści kankurencyju na hłabalnym uzroŭni, padkreśliŭ jon.
Jašče adnym klučavym momantam vystupu Makrona stała prablema mihracyi. U pryvatnaści, jon prapanavaŭ stvaryć adzinaje ahienctva pa spravach biežancaŭ, kab spraścić praceduru ich pryjomu. Prezident Francyi taksama pieraściaroh ad pahrozy rostu nacyjanalistyčnych nastrojaŭ va ŭmovach prytoku mihrantaŭ, zajaviŭšy, što heta idzie nasupierak z pryncypami adzinaj Jeŭropy. Makron nahadaŭ, što pa vynikach parłamienckich vybaraŭ u Hiermanii 24 vieraśnia ŭ bundestah prajšła pravaja partyja «Alternatyva dla Hiermanii», jakaja nabrała 12,6% hałasoŭ. «My nie dumali, što minułaje vierniecca», — prakamientavaŭ jon hety vynik.
Razvažajučy pra pierśpiektyvy Jeŭrasajuza, Emaniuel Makron nazvaŭ ciapierašniuju Jeŭropu «zanadta słaboj, zanadta pavolnaj, zanadta nieefiektyŭnaj». «Adziny šlach, jaki harantuje naša budučynia, — heta adnaŭleńnie niezaležnaj, adzinaj i demakratyčnaj Jeŭropy», — skazaŭ na zakančeńnie jon.
