Ułady Irana vystavili abvinavačvańni zasnavalniku miesiendžara Telegram Paŭłu Duravu, paviedamlaje VVS.
Jak zajaviŭ prakuror Tehierana Abas Džafar Dałatabadzi, jakoha cytuje iranskaje ahienctva ISNA, miesiendžaram karystajucca bajeviki terarystyčnaj hrupoŭki «Isłamskaja dziaržava».
Akramia taho, jak ličać iranskija ŭłady, miesiendžar mohuć vykarystoŭvać dla handlu ludźmi i narkahandlu, a taksama dla raspaŭsiudžvańnia dziciačaj parnahrafii.
Sam Duraŭ zajaviŭ, što nie zhodny z vystaŭlenymi abvinavačvańniami.
«Ja ździŭleny. My aktyŭna zajmajemsia błakavańniem terarystyčnaha i parnahrafičnaha kantentu ŭ Iranie. Ja dumaju, što realnyja pryčyny inšyja», — napisaŭ jon u tvitary.
Duraŭ taksama raspavioŭ, što štodnia maderatary Telegram błakujuć bolš tysiačy kanałaŭ i čataŭ z parnahrafijaj i zaklikami da teraryzmu.
