U Jumeirah Beach Park u Dubai byŭ ažyćcioŭleny testavy vylet pieršaha ŭ śviecie bieśpiłotnaha latalnaha taksi. Dvuchmiesny transpartny srodak pad nazvaj AAT, raspracavany niamieckaj kampanijaj Drocal, zdolny pieravozić ludziej biez udziełu piłota.
Hienieralny dyrektar i staršynia savieta vykanaŭčych dyrektaraŭ Upraŭleńnia pa darohach i transparcie (RTA) Mattar Al Tajer skazaŭ, što AAT maje «samyja vysokija standarty biaśpieki».
Tut i nižej fota Reuters
«Jon taksama abstalavany dadatkovymi avaryjnymi parašutami, dzieviaćciu aŭtanomnymi akumulatarnymi sistemami i sistemaj chutkaj zaradki akumulatara», — zajaviŭ jon.
Batarei, ustalavanaj u pratatypie, patrabujecca dźvie hadziny dla poŭnaj zaradki. U vytvorčaj viersii hety čas budzie značna skaročany. Taksi maje miesca dla dvuch pasažyraŭ i moža ździajśniać paloty praciahłaściu da 30 chvilin.
AAT možna budzie zamović z dapamohaj mabilnaha dadatku. Na praciahu nastupnych piaci hadoŭ RTA budzie supracoŭničać z Upraŭleńniem hramadzianskaj avijacyi Dubaja, kab zabiaśpiečyć intehracyju AAT ŭ transpartnuju sistemu emirata.
