Sustreča adbyłasia ŭ ramkach XVIII Ekanamičnaha forumu, što prachodzić ŭ kurotnym miastečku Krynica na poŭdni Polščy (h.zv. centraleŭrapiejski Davos).
Padčas sustrečy Kabiakoŭ i Paŭlak adznačyli ŭzajemny rost biełaruska‑polskaha handlovaha abmienu.
Tak, dvuchbakovy zvarot u studzieni — lipieni vyras na 70 % u paraŭnańni z analahičnym peryjadam minułaha hodu i skłaŭ $1773,6 młn. Biełaruski ekspart u Polšču vyras na 88,4% da $1147,3 młn., impart — na 44,2% do $626,2 młn.
Taksama adbyłasia karotkaja hutarka Andreja Kabiakova z premjer‑ministram Polščy Donaldam Tuskam. Padčas razmovy palityki abmianialisia dumkami pra stan dvuchbakovych handlova‑ekanamičnych stasunkaŭ.
Andrej Kabiakoŭ vystupiŭ taksama na plenarnaj sesii «Eŭrapiejskija dylemy. Centralnaja Eŭropa: partnior ci statyst».
U składzie biełaruskaj delehacyi, što biare ŭdzieł u forumie, namieśniki ministraŭ zamiežnych spraŭ, ekanomiki, enerhietyki, pasoł Biełarusi ŭ Polščy Pavał Łatuška, staršynia Haradzienskaha abłvykankamu Uładzimier Saŭčanka.
Na forumie taksama prysutničajuć pradstaŭniki i kiraŭniki «Biełenerha», «Biełtranshaz», «Biełnaftachim», «Biełtelekam».