51-hadovy žychar Homiela vyrašyŭ prademanstravać małaletnim pasažyrkam hramadskaha transpartu peŭnyja častki cieła.
Na adnym z prypynkaŭ u homielski aŭtobus №17 zajšli dźvie dziaŭčynki 10-11 hadoŭ. Imavierna, školnicy jechali na treniroŭku pa fiechtavańni — u rukach u ich byli rapiry. Dajechaŭšy da prypynku «Vulica Hałavackaha», dziaŭčynki nakiravalisia da vychadu z aŭtobusa, la jakoha stajaŭ pjany mužčyna. Kali školnicy źbiralisia vychodzić, jon prycisnuŭsia da adnoj ź dziaŭčynak aholenaj častkaj cieła. Heta zaŭvažyli astatnija pasažyry, ale na ich zaŭvahi i pahrozy vyklikać milicyju hamialčanin nie reahavaŭ. Zatrymaŭ chulihana adzin z pasažyraŭ, jaki vyvieŭ parušalnika z aŭtobusa i vyklikaŭ pravaachoŭnikaŭ, paviedamlaje «Homielskaja praŭda».
Darečy, u 2015 hodzie ekshibicyjanist byŭ asudžany za anałahičnyja pavodziny i vyzvaliŭsia ź miescaŭ pazbaŭleńnia voli čatyry miesiacy tamu. Ciapier za chulihanstva mužčynu pahražaje da šaści hadoŭ pazbaŭleńnia voli.
Asoby školnic vyśviatlajucca.
