Za niezakonnaje palavańnie mužčyna i jaho siabar mohuć sieści na 6 hadoŭ.
Pavodle danych śledstva, 5 lipienia kala 22 hadzin dvoje žycharoŭ Brasłava pryjechali ŭ laśnictva na terytoryi Nacyjanalnaha parku «Brasłaŭskija aziory».
Adzin ź ich, 27-hadovy mužčyna, byŭ pjany. Jon i stralaŭ z palaŭničaj vintoŭki, zabiŭ łasichu i małoje łasiania. Zatym razam sa svaim 37-hadovym siabram jon pry dapamozie naža častkova razabraŭ tušu zdabytaj samki łasia. Schavacca ź miesca złačynstva mužčyny nie paśpieli, bo byli zatrymanyja supracoŭnikami Nacparka. Nož i strelbu, kinutyja ŭ lesie kala darohi, znajšli padčas ahladu terytoryi.
U zatrymanych nie było paśviedčańnia na prava palavańnia, dazvołu na zachoŭvańnie i našeńnie zbroi, a taksama dazvołu na zdabyču łasia i palaŭničaj pucioŭki. Škoda navakolnamu asiarodździu skłała 13800 rubloŭ.
Śledčyja pradjavili mužčynam abvinavačvańnie ŭ niezakonnym palavańni, jakoje paciahnuła pryčynieńnie škody ŭ asabliva bujnym pamiery. Mužčynam pahražaje da 6 hadoŭ źniavoleńnia. Ich adpravili pad padpisku ab niavyjeździe. Na majomaść abvinavačanych nakładzieny aryšt, u tym liku i na aŭtamabil, na jakim mužčyny pryjechali na «palavańnie», paviedamlaje Śledčy kamitet.
Rasśledavańnie kryminalnaj spravy zavieršana, materyjały pieradadzienyja ŭ prakuraturu dla nakiravańnia ŭ sud.