U interviju niamieckaj hazecie Sueddeutsche Zeitung prezydent Litvy Vałdas Adamkus vykazaŭ dumku, što Rasieja choča viarnuć jaho krainu ŭ svaju sferu ŭpłyvu.
Niepakoicca jon i pra pramuju intervencyju Rasiei.
Rasiejcy zachočuć pieradusim Krym, zatym try bałtyjskija krainy, i narešcie — Zakaŭkaźzie, ‑‑ kaža Adamkus.
«Kali b varjaty ŭ Rasiei chacieli na nas napaści, jany b mahli zrabić heta za niekalki chvilin»,skazaŭ jon. Razam z tym prezydent Litvy vykazaŭ nadzieju, što śviet hetamu budzie procistajać.
Adkazvajučy na pytańnie, ci jość realnyja prykmiety taho, što Rasieja choča nakłaści ruku na krainy Bałtyi, Adamkus zajaviŭ, što nie sumniajecca, što Rasieja žadaje mieć ich u svajoj sfery ŭpłyvu. Ale dziela hetaha buduć vykarystoŭvacca nie vajennyja, a enerhietyčnyja zachady.
«Jany pasprabujuć złamić nas ekanamična, kab my stali častkaj rasiejskaj ekanomiki. Jany buduć sprabavać uziać u svaje ruki našu ekanamičnuju i palityčnuju systemu», ‑‑ skazaŭ Adamkus.
0
0
0
0
0
0
