Z 2018 hoda ŭ prahramu kapitalnaha ramontu viernuć ciepłavuju madernizacyju.
Pra heta zajaviŭ vice-premjer Anatol Kalinin na sumiesnym pasiadžeńni ŭ parłamiencie, adkazvajučy na pytańnie pra mnostva kalektyŭnych skarhaŭ na toje, što ciapier takija pracy z prahramy vyklučany, i pry hetym hramadzianie kampiensujuć ŭsiaho 16% vydatkaŭ pa ciepłazabieśpiačeńni, i pavieličeńnie kampiensacyi stanie vialikaj prablemaj, piša Tut.by
Kalinin raspavioŭ ab stvareńni śpiecyjalnaha inviestfonda, jaki budzie akumulavać srodki žycharoŭ, biudžetu, kredytu JEBRR (havorka idzie pra sumu 20 młn jeŭra), srodkaŭ ad prodažu žylla (kala 100 młn rubloŭ u hod). Hetyja srodki pojduć mienavita na piłotny prajekt (65 damoŭ u Minsku) pa ciepłavoj madernizacyi.
U 2015 hodzie ź pieraliku rabot pa kapitalnym ramoncie vyklučyli tyja pazicyi, jakija adnosilisia da ciepłavoj madernizacyi budynka. Jaje stali pravodzić tolki pry najaŭnaści syraści, pramiarzańnia kvater, raźmieščanych u roznych častkach budynka - i heta pavinna być paćvierdžana ekśpiertnym zaklučeńniem.
