AP
Patryjarch Maskoŭski i ŭsioj Rusi Kirył zaklikaŭ dziejačaŭ kultury «nie źbivać ludziej z pantałyku», kab u Rasii nie paŭtarylisia revalucyjnyja padziei stohadovaj daŭniny, piša Gazeta.ru
Jon adznačyŭ, što siońnia «hrech demanstrujecca samym pryciahalnym sposabam — praz kiniematohraf, praz teatr».
Jon udakładniŭ, što maje na ŭvazie nie ŭsio mastactva, a toje, jakoje ŭ apošnija hady zajaŭlaje pra «niejkuju svaju asablivuju rolu, asablivyja pravy nieści narodu spakusu i hrech».
Patryjarch paskardziŭsia, što tvorčaja intelihiencyja «paŭtaraje trahičnuju pamyłku svaich papiarednikaŭ, jakija daviali krainu da hibieli — revalucyjnych padziej, stahodździe jakich my ŭ hetym hodzie zhadvajem».
Pa pierakanańni kiraŭnika RPC, «siońnia nie toj čas, kab razhojdvać łodku čałaviečych straściaŭ».
«Heta ŭžo vidać niaŭzbrojenym vokam. Treba być ślapym, kab nie bačyć nabližeńnie hroznych imhnieńniaŭ historyi, pra jakija kazaŭ u svaim Adkryćci apostał i jevanhielist Iaan Bahasłoŭ», — skazaŭ patryjarch.
Pry hetym jon nahadaŭ, što, pavodle chryścijanskaha vieravučeńnia, nabližeńnie i addaleńnie kanca śvietu zaležyć ad nas samich, i zaklikaŭ «zatarmazić naša spaŭzańnie ŭ biezdań zakančeńnia historyi».
