«Šancy prajści ŭ parłamient u pradstaŭnikoŭ ADS jość, chacia i nievialikija», — takuju dumku ŭ intervju BiełaPAN vykazaŭ lider Partyi kamunistaŭ Biełaruskaj Siarhiej Kalakin.
«Kab stać deputatam, demakratyčny kandydat pavinien čysta pieramahčy i pry hetym nie być uklučanym u «čorny śpis» apazicyjanieraŭ, jakich ni ŭ jakim vypadku nie prapuściać u parłamient», — zaznačyŭ jon.
Na jaho dumku, u pałatu pradstaŭnikoŭ mohuć trapić nie bolš jak piać kandydataŭ ad ADS.
Lider Abjadnanaj hramadzianskaj partyi Anatol Labiedźka ličyć najhoršym varyjantam, «kali ŭ Pałatu prastaŭnikoŭ Alaksandr Łukašenka pryznačyć 110 čałaviek, niachaj navat siarod ich buduć i kandydaty ad ADS».
«Važna, kab kandydaty ad ADS sami svaimi siłami prajšli ŭ parłamient, kab jany zmahli stvaryć u im frakcyju», — padkreśliŭ jon.
Samastojna prajšoŭ u parłamient pradstaŭnik demakratyčnych sił ci byŭ u jaho pryznačany, pavodle słoŭ palityka, pakaža jaho praca deputatam. «Kali jon budzie adstojvać u parłamiencie pazicyju ADS, unosić zakonaprajekty, skiravanyja na raźvićcio krainy, to, značyć, jon biez dapamohi ŭładaŭ trapiŭ u pałatu pradstaŭnikoŭ», — skazaŭ A. Labiedźka.
Pavodle słoŭ palityka, ciapier biaruć udzieł u vybarach 75 kandydataŭ u deputaty ad ADS.