Prodažu papiaredničała presavańnie ŭłaśnikaŭ «Jevrosieti» padatkovymi i siłavymi strukturami Rasiei.
100 % mabilnaha rytejlera «Jevrosieť» kupiła investkampanija ANN pradprymalnika Alaksandra Mamuta. Najbujniejšy ŭ Rasiei mabilny rytejler acenieny na $1,25 młrd. Praŭda, žyvymi hrašyma jahonyja ŭładalniki atrymajuć tolki $400 młn, astatniaje śpisvajecca na zapazyčanaści. Siarod ich, naprykład, štrafy za nibyta vyjaŭlenyja parušeńni mytnaha zakanadaŭstva.
«Jevrosieť» nabyła viadomaść praz užyvańnie niekanvencyjnych markietynhavych technalohij, u tym liku niecenzurnaj leksyki ŭ reklamie.
Hiešeft byŭ zaklučany ŭnačy ź niadzieli na paniadziełak. Pradadzienyja 100% akcyj.
Sietka sałonaŭ «Jevrosieti» składajecca z 5000 kramaŭ u Rasii i SND. Vyručka ŭ 2007 skłała $3,6 młrd. Cikava, što kali ŭ Biełarusi ź lahatypam sietki na kramach vykarystoŭvajecca tolki rasijski ściažok, to va Ŭkrainie — i rasijski, i ŭkrainski.
Novy ŭłaśnik Alaksandar Mamut — adzin z ułaśnikaŭ kampanii SUP, jakoj naležyć taksama servis «Žyvy žurnał» (livejournal.com), papularny siarod biełaruskich błohieraŭ.Novaje nabyćcio vyjaŭlaje blizkaść jaho z pucinskim kłanam, jaki kantraluje bolšaść prybytkovych pradpryjemstvaŭ Rasii, ŚMI i, jak vyśviatlajecca, ŽŽ taksama.