«Biełaruskija ŭikiendy» sumiesna z velcom prezientujuć film «Žonka nahladčyka zaaparka» ŭ biełaruskaj ahučcy. Premjera z udziełam ambasadaraŭ Polščy i Izraila adbudziecca 7 śniežnia ŭ kinateatry velcom cinema.
«Žonka nahladčyka zaaparka» — drama 2017 hoda, zasnavanaja na sapraŭdnych padziejach historyi siamji Žabinskich: nahladčyka Varšaŭskaha zaaparka Jana i jaho žonki Antaniny, jakija ŭ hady vajennaha lichalećcia vyratavali ad śmierci sotni habrejaŭ Varšaŭskaha hieta, za što byli pryznanyja Praviednikami narodaŭ śvietu. Hałoŭnyja roli ŭ joj vykanali Džesika Čestejn, Jochan Chełdenbierh, Daniel Brul.
Na biełaruskuju movu film ahučany ŭ miežach prajekta «Biełaruskija ŭikendy» pry padtrymcy kampanii velcom i Polskaha Instytuta ŭ Minsku. Roli ahučvali aktrysy Hanna Chitryk i Śviatłana Cimochina, televiadučyja Jaŭhien Pierlin i Siarhiej Žbankoŭ, akciory Aleś Małčanaŭ i Źmicier Saładucha. Premjera adbudziecca 7 śniežnia a 19:00 u kinateatry velcom cinema, 8, 9 i 10 śniežnia pakazy projduć u kinateatry «Maskva». Pakaz filma taksama płanujecca 13 śniežnia ŭ Breście ŭ kinateatry «Biełaruś».
Nabyć kvitki možna u kasach kinateatraŭ, a taksama na sajcie kino.bycard.by
