DTZ adbyłosia kala 4 hadziny nočy na pierakryžavańni MKADa i vulicy Lipkaŭskaj. Lehkavik z kiroŭcam «Ubiera» ŭrezaŭsia ŭ hruzavik.
Fakt DTZ paćvierdzili ŭ staličnym DAI. Ale padrabiaznaści zdareńnia nieviadomyja.
U avaryi atrymaŭ traŭmy pasažyr, 25-hadovy Pavieł Siomkin.
Paciarpieły ŭ avaryi. Fota z sacsietak.
Jon u balnicy. Viadoma, što ŭ mužčyny paciarpieŭ tvar, jamu rabili apieracyju. Stan paciarpiełaha aceńvajecca jak stabilna ciažki.
Znajomyja paciarpiełaha śćviardžajuć, što kiroŭca mašyny nibyta zasnuŭ padčas ruchu. Ci atrymaŭ kiroŭca traŭmy, taksama nieviadoma.
«Ubier» — płatforma pa zamovie aŭtamabila, anałah zvykłych słužbaŭ taksi, ale bieź śpiecyjalnych žoŭtych numaroŭ. «Ubier» nie maje ŭłasnaha aŭtaparka, na jaho pa damovie pracujuć asobnyja pieravozčyki. Kožny ź ich pavinien mieć strachoŭku dla pasažyraŭ.
