Saakašvili taksama pieradavaŭ ŭkrainskamu lideru svaju prapanovu vusna praz pasła adnoj z krain ES, dadała krynica. «Praz pasła ES jon prapanuje spynić maršy i źniać pałatki ŭ abmien na deeskałacyju», — raspaviała Insider krynica siarod ukrainskich čynoŭnikaŭ. Pra pasła jakoj krainy idzie havorka, krynica nie ŭdakładniła.
Surazmoŭca vydańnia adznačyŭ, što zvarot Saakašvili źviazany z tym, što jaho mohuć ekstradavać u Hruziju. Inšaja krynica raspaviała, što da kanca 2017 hoda mohuć zaviaršycca sudy, jakija razhladajuć pytańnie pra admovu byłomu hruzinskamu lidaru jak u prytułku, tak i ŭ dazvole pastajanna pražyvać va Ukrainie. Surazmoŭca vydańnia dapuściŭ, što rašeńnie mihracyjnaj słužby, jakaja dazvoliła Saakašvili być va Ukrainie da sakavika 2018 hoda, moža być pierahledžana.
Pazbaŭleny ŭkrainskaha hramadzianstva Michieił Saakašvili va Ukrainie zasnavaŭ svoj «Ruch novych sił», jaki vystupaje za impičmient Piatra Parašenki.
Raniej Saakašvili ŭ efiry telekanała NewsOne užo zajaŭlaŭ pra nieabchodnaść prymireńnia z Parašenkam. Pa słovach byłoha prezidenta Hruzii, heta treba zrabić, kab «nie raźciahvać krainu».
