Hanna Vieła, jakaja ličyłasia najstarejšaj žycharkaj jeŭrapiejskaha kantynienta, pamierła va ŭzroście 116 hadoŭ u svaim domie ŭ Barsiełonie.
Hanna Vieła naradziłasia ŭ kastryčniku 1901 hoda ŭ Andałusii. Bolšuju častku žyćcia jana prapracavała kraŭčychaj, a potym stała kiravać kramaj i nie skardziłasia pry hetym na zdaroŭje. U apošnija hady jana i jaje siamja stali simvałami ispanskaha daŭhalećcia, bo adnoj ź jaje dačok spoŭniłasia 90 hadoŭ, a ŭnuku — 65. Usiaho ŭ Hanny Vieła čaćviora dziaciej.
Jak paviedamlajecca, žančyna syšła cicha, biez bolu i pakut.
Nahadajem, u krasaviku stała viadoma pra śmierć 117-hadovaj italjanki, jakaja ličyłasia samaj staroj hramadziankaj Jeŭropy. Ema Marana zastavałasia apošniaj z tych, što naradzilisia da 1900 hoda. Ličycca, što na Ziamli ciapier žyvie 18 čałaviek, jakija pieraadoleli miažu ŭ 116 hadoŭ.
