Bijatłanistka Iryna Kryŭko ŭpieršyniu vyjhrała miedal na etapie Kubka śvietu. Jana ŭźniałasia na druhuju stupieńku pjedestału ŭ mas-starcie ŭ Ansi (Francyja). Da hetaha najlepšym vynikam biełaruski na Kubku śvietu było 9-je miesca ŭ pasjucie na minułym tydni ŭ Chachfilcenie.
Vyjhrała etap francužanka Žuścina Breza. Heta jaje pieršaja pieramoha, ale raniej jana mieła 5 srebnych i bronzavych miedaloŭ.
Daśviedčanaja Łaura Dalmajer (Niamieččyna) zaniała treciaje miesca, jana trapiła ŭ trojku 38-y raz.
Irynie Kryŭko 26 hadoŭ, jana rodam ź Sianna (Viciebskaja vobłaść).
Svaje vystupy ŭ Kubku śvietu jana raspačała ŭ siezonie 2011—2012, kali zaniała 98-je miesca. Jaje vyniki pastupova raśli, ale i ŭ siezonie 2016—2017 jana stała tolki 39-j sa 185 punktami.
