18 śniežnia ŭ Ministerstvie sacyjalnaj abarony Litvy adbyłasia pres-kanfierencyja, na jakoj byli pradstaŭleny źmieny ŭ piensijnaj sistemie, jakija ŭstupiać u siłu z nastupnaha hoda.
Dyrektar Fondu sacyjalnaha strachavańnia ( «Sodry») Mindaŭhas Sinkiavičus skazaŭ, što apošni raz źmieny takoha maštabu ažyćciavili 20 hadoŭ tamu, paviedamlaje Delfi.lt
Ciapier pamier piensij budzie zaležać ad ekanamičnych pakazčykaŭ krainy, ale źnižacca nie budzie. Taksama pastupova abaviazkovy staž budzie pavialičany da 35 hadoŭ, bolš zručnaje adnaŭleńnie piensij dla pracujučych piensijanieraŭ.
Pavodle padlikaŭ, u kancy 2018 h. siaredniaja piensija pa staraści (kali jość nieabchodny staž) składzie 332 jeŭra, h.zn. na 30 jeŭra bolš, čym u kancy 2017 hoda.
U Biełarusi siaredniaja piensija z 1 listapada składaje 315,74 rubla, heta, pavodle siońniašniaha kursu, kala 132 jeŭra.
