Facebook nieŭzabavie pačnie paviedamlać svaim karystalnikam pra ŭsie vypadki publikacyj fota ź imi ŭ inšych akaŭntach — navat tady, kali na hetych fota sfatahrafavanyja asoby nie adznačanyja.
Administracyja sacsietki tłumačyć heta pierad usim patrebaju paźbiehnuć vypadkaŭ vykarystańnia čužych fota dla stvareńnia fejkavych akaŭntaŭ złamyśnikami.
Fota — Facebook.com
Pa zmaŭčańni hetaja funkcyjanalnaść budzie adklučanaja, ale jaje možna aktyvavać u luby momant. Jana bazujecca na technałohii kampjutarnaha raspaznavańnia tvaraŭ.
«Ciapier, kali vy jość na fatahrafii i źjaŭlajeciesia častkaj aŭdytoryi dla hetaha paviedamleńnia, my paviedamim vam, navat kali vas nie adznačyli. Vy kantralujecie svoj vobraz na Facebook i možacie abirać takija varyjanty, jak, naprykład, paznačyć siabie, pakinuć siabie biez tehaŭ abo źviazacca z čałaviekam, jaki raźmiaściŭ fatahrafiju, kali ŭ vas jość prablemy ź joj», — napisała administracyja sacsietki.