Miascovym haradskim administracyjam (chakimijatam) haradoŭ Uźbiekistana zabaranili pryciahvać rabotnikaŭ adukacyjnych i miedycynskich ustanoŭ da zboru mietałałomu. U siłu zabarona ŭstupić z 2018 hoda, havorycca ŭ pastanovie prezidenta krainy Šaŭkata Mierzijojeva.
Tradycyja prymusova pryciahvać rabotnikaŭ miedycynskich i adukacyjnych ustanoŭ, a taksama navučencaŭ da zboru mietałałomu zachavałasia va Uźbiekistanie z savieckich časoŭ. Akramia taho, ułady rehularna pryciahvajuć navučencaŭ i biudžetnikaŭ dla ŭborki i dobraŭparadkavańnia vulic, pierapisu nasielnictva, uborki bavoŭny i budaŭnictvaŭ žylla.
U vieraśni premjer-ministr Uźbiekistana Abduła Arypaŭ zapatrabavaŭ zabaranić pryciahvać navučencaŭ i rabotnikaŭ biudžetnych śfier da zboru bavoŭny.
Aficyjna vykarystańnie dziciačaj pracy ŭ krainie spyniena ŭ 2015 hodzie. Ale, jak pisała Reuters, Uźbiekistan dahetul uvachodzić u top-5 parušalnikaŭ, zhodna z Hłabalnym indeksam rabstva pravaabarončaj arhanizacyi Walk Free Foundation. Da prymusovaj pracy, pa ich dadzienych, pryciahnuty da 4% nasielnictva krainy, jakija faktyčna žyvuć va ŭmovach rabstva. Pieršaje miesca ŭ antyrejtynhu zajmaje KNDR.