Maštab prablemy značna bolš surjozny, čym moža zdacca na pieršy pohlad, bo ŭraźlivaść nazirajecca na ŭsich pracesarach, vypuščanych za apošnija dziesiać hadoŭ.
Praz toje, što ŭraźlivaściu mohuć skarystacca chakiery, śpiecyjalisty, jakija vyjavili «dzirku» ŭ biaśpiecy, nie raskryvajuć padrabiaznaściaŭ, ale abiacajuć padzialicca infarmacyjaj bližej da kanca studzienia — mienavita tady, na ich dumku, prablemu pavinny vyrašyć na ŭsich uzroŭniach.
Zhodna z praviedzienymi daśledavańniami, zrabić heta davoli prosta, bo ŭraźlivaść možna vypravić na ŭzroŭni apieracyjnaj sistemy: varta izalavać jadro pracesara ad karystalnickaha asiarodździa.
I chacia izalavać jadro mahčyma, takija apieracyi mohuć pryvieści da surjoznaha źnižeńnia pradukcyjnaści, až da tryccaci adsotkaŭ na Windows i Linux. Što tyčycca pryład na macOS, tut usio nie tak adnaznačna: śpiecyjalistam pakul niajasna, jak adabjecca likvidacyja niepaładak na mašynach pad kiravańniem hetaj AS.
Udzielniki prahramy papiaredniaha testavańnia Windows paviedamlajuć, što ŭžo pačali atrymlivać abnaŭleńni biaśpieki, a nieŭzabavie čarhovaja «łatka» budzie vypuščanaja i dla astatnich karystalnikaŭ. Śpiecyjalisty pa biaśpiecy nastojliva rekamiendujuć nie ihnaravać bližejšyja abnaŭleńni sistemy i abnavicca jak maha chutčej.
