Siońnia kala 11.20 na abjaznoj darozie pablizu vioski Tuševičy adbyłosia łabavoje sutyknieńnie hruzavoha aŭtamabila «Volva» ź lehkavym «Hyundai». Lehkavy aŭtamabil, u jakim znachodzilisia čatyry čałavieki, ruchaŭsia z boku Minska i sutyknuŭsia ź ciahačom, jaki ruchaŭsia nasustrač, paviedamlaje «Słonimski vieśnik».
Fota — slonves.by
— U vyniku DTZ dvoje pasažyraŭ lehkavika zahinuli, astatnija dastaŭleny ŭ Słonimskuju CRB ź cialesnymi paškodžańniami, — raskazaŭ Jaŭhien Jerašenkaŭ, načalnik Słonimskaha rajonnaha adździeła Śledčaha kamiteta Respubliki Biełaruś.
Pavodle ŭdakładnienych źviestak, kiroŭca lehkavika 1982 hoda naradžeńnia nie daŭ rady kiravańniu, vyjechaŭ na pałasu sustrečnaha ruchu i sutyknuŭsia z hruzavikom Volvo, jaki ruchaŭsia ŭ sustrečnym napramku.
U vyniku DTZ dvoje pasažyraŭ Hyindai, 1956 i 1975 hadoŭ naradžeńnia, zahinuli, a sam kiroŭca i jašče adzin pasažyr, 1963 hoda naradžeńnia, špitalizavanyja.
Fota — slonves.by