Telekam-apieratar «Vełkom» abnaviŭ servis «Voka», dadaŭšy ŭ jaho bolš za 40 novych telekanałaŭ. Ciapier ličbavaje TB uklučaje bolš za 70 telekanałaŭ, u tym liku 10 — u farmacie HD.
U pakiecie TB stała bolš filmavych telekanałaŭ. Siarod ich — «Kinapremjera HD» z suśvietnymi kinanavinkami i «Amedia Premium HD» z apošnimi siezonami papularnych sieryjałaŭ. Karystalnikam taksama stali dasiažnyja «TV 1000», «TV 1000 Action» i «TV 1000. Ruskaje kino». Dla amataraŭ kłasičnych filmaŭ zapuścili kinazały «Savieckaja kinakłasika», «Kłasika Halivuda» i «Zamiežnaja kinakłasika», a dla dziaciej — Nickelodeon i Nick Jr.
Hledačam taksama pačali pakazvać Viasat Sport z chakiejnymi, futbolnymi i biejsbolnymi matčami. Akramia taho, pašyryŭsia vybar zabaŭlalnych, navinavych i muzyčnych telekanałaŭ. U pryvatnaści, źjavilisia kanały liniejki Viasat, uklučajučy «TV-3», «MTV», «Europa Plus TV» i «Pierac».
Abnaŭleńnie zakranuła i karystalnikaŭ fiksavanaha internetu ad velcom, jakija atrymali 8 novych telekanałaŭ.
