Dla adpačynku i azdaraŭleńnia dziaciej ź Siryi stvorany ŭsie ŭmovy. Pra heta siońnia žurnalistam zajaviŭ namieśnik premjer-ministra Biełarusi Vasil Žarko padčas naviedvańnia Nacyjanalnaha dziciačaha adukacyjna-azdaraŭlenčaha centra «Zubrania», pieradaje karespandent BiełTA.
«Dla adpačynku i azdaraŭleńnia dziaciej ź Siryi sfarmiravana śpiecyjalnaja prahrama, jakaja dazvalaje im nie tolki paznajomicca z našymi dziećmi, ale i ź sistemaj adukacyi Biełarusi ŭ cełym. Hości pabyvali ŭ viadučych biełaruskich VNU, u Nacyjanalnym alimpijskim kamitecie, naviedali kulturna-spartyŭny kompleks «Minsk-Arena», Minski aŭtamabilny zavod, BiełAZ, pabyvali ŭ našych muziejach. Taksama ŭ prahramie naviedvańnie Biełaruskaj atamnaj stancyi. Jany znajomiacca z našaj krainaj. Im pašancavała trapić u zimovuju kazku. Dla ich adpačynku i azdaraŭleńnia stvorany usie ŭmovy», — skazaŭ Vasil Žarko.
U Nacyjanalnym dziciačym adukacyjna-azdaraŭlenčym centry «Zubrania» adpačyvajuć i papraŭlajuć zdaroŭje 144 dziciaci ź Siryi. Usie jany — lidary ŭ adukacyi, sporcie i tvorčaści. Naviedać ich 24 studzienia pryjechali namieśnik premjer-ministra Vasil Žarko i ministr adukacyi Ihar Karpienka. Jany ŭručyli siryjskim dzieciam padarunki ad imia Alaksandra Łukašenki.
U kancy žniŭnia 2017 hoda Alaksandr Łukašenka sustreŭsia ź ministram sacyjalnych pytańniaŭ i pracy Siryi Rymaj al-Kader, dzie prapanavaŭ raspracavać prahramu azdaraŭleńnia i vučoby dziaciej ź Siryi ŭ Biełarusi.
