Karova, jakaja pavinna była pajści na zaboj, źbiehła ź vioski Skupava Padlaskaha vajavodstva Polščy da zubroŭ u park Biełavieža, paviedamlaje Tut.by sa spasyłkaj na telekanał Polsat.
Fota: skrynšot polsatnews.pl
Žyvioła źbiehła z haspadarki ŭ kancy kastryčnika praź dzirku ŭ płocie. Pabłukaŭšy trochi pa navakollach, jana zajšła na polski bok Biełaviežskaj Puščy i prybiłasia da statka zubroŭ, ź jakimi žyvie ŭžo try miesiacy.
Jak adznačajuć polskija śpiecyjalisty, karova ŭsio jašče adaptujecca da žyćcia siarod zubroŭ.
Viadučy navukovy supracoŭnik NP «Biełaviežskaja pušča» Alaksiej Bunievič u hutarcy z TUT.BY nazvaŭ takuju źjavu anamalnaj i usumniŭsia, što karova zmoža stać paŭnapraŭnym členam statka.
«Jana nijak nie zmoža prybicca. Chiba što ź imi padyści da karmušak za kormam», — adznačyŭ śpiecyjalist.
Nahadajem, u minułym hodzie ŭ Biełarusi nazirałasia supraćlehłaja situacyja. Biełaviežski zubr mihravaŭ ŭ Kobrynski rajon i žyŭ sa statkam karoŭ. Tam jon prabyŭ kala miesiaca, a zatym jaho adłavili i viarnuli ŭ pušču. Ciapier jon žyvie ŭ valjerach.
