Paralimpijskaja zbornaja Rasii nie dapuščana da ŭdziełu ŭ zimovych Paralimpijskich hulniach, jakija projduć u paŭdniovakarejskim Pchiončchanie 9-18 sakavika. Pra heta zajaviŭ Mižnarodny paralimpijski kamitet (MPK), paviedamlaje Deutsche Welle.
Pry hetym dapuskajecca ŭdzieł asobnych spartsmienaŭ z RF pad niejtralnym ściaham, kali jany zmohuć dakazać svaju niedatyčnaść da ŭžyvańnia dopinhu, ukazaŭ kamitet u Bonie.
Pa acency MPK, «žorstkija ŭmovy» dla ŭdziełu ŭ spabornictvach pa piaci vidach sportu na Paralimpijadzie zmohuć vykanać 30-35 rasijskich atletaŭ. Jany buduć nazyvacca «niejtralnymi Paralimpijskimi atletami», ukazvajecca ŭ zajavie arhanizacyi. Rasijskija paralimpijcy zmohuć vystupić u spabornictvach pa hornych łyžach, bijatłonie, łyžnych honkach, snoŭbordzie i kiorlinhu.
