Ministerstva ŭnutranych spraŭ Hruzii raspracavała zakanadaŭčyja źmieny, zhodna ź jakim kryminalnaje pakarańnie dla «zładziejaŭ u zakonie», ich prychilnikaŭ i členaŭ «zładziejskaj supolnaści» stanie jašče bolš žorstkim.
Jak paviedamlajuć hruzinskija ŚMI, ab tym, što MUS płanuje ŭnieści źmieny ŭ zakanadaŭstva, jakoje tyčycca baraćby z «zładziejami ŭ zakonie», stała viadoma jašče ŭ śniežni 2016 hoda. Dla hetaha eks-kiraŭnik MUS Hieorhij Mhiebryšvili adpraviŭ śpiecyjalnuju hrupu ŭ Italiju, u jakoj jość bahaty dośvied baraćby z arhanizavanaj złačynnaściu.
Ministerstva ŭnutranych spraŭ užo padrychtavała zakanadaŭčy pakiet, jaki pašyraje koła dziejańniaŭ, jakija karajucca kryminalna. U pryvatnaści, złačynstvam budzie ličycca padtrymka «zładziejskaha śvietu», arhanizacyja «zładziejskaj schodki», a taksama zvaroty da «złodzieja ŭ zakonie» i da siabra «zładziejskaha śvietu».
Zakanadaŭčy pakiet u najbližejšyja dni nakirujuć na razhlad u parłamient krainy.
Artykuł «Udzieł u zładziejskaj supolnaści» źjaviŭsia ŭ kryminalnym kodeksie Hruzii ŭ 2005 hodzie. Jon praduhledžvaŭ pakarańnie ŭ vyhladzie pazbaŭleńnie voli terminam ad troch da vaśmi hadoŭ. «Zładziejam u zakonie» pahražała turma terminam ad piaci da dziesiaci hadoŭ.
Praz hod, u 2006 hodzie, zakanadaŭstva pastrožyli. Ciapier udzieł u «zładziejskaj supolnaści» karajecca pazbaŭleńniem voli terminam ad piaci da vaśmi hadoŭ, a «zładziejam u zakonie» pahražaje turma terminam ad siami da dziesiaci hadoŭ.
«Zładziei ŭ zakonie» - śpiecyfičnaja kryminalnaja struktura, charakternaja tolki dla krain byłoha SSSR. «Zładziei ŭ zakonie» zajmajuć najvyšejšaje stanovišča ŭ ijerarchii złačynnaha śvietu.
