Prakuratura Aŭtanomnaj respubliki Krym (uvachodzić u skład Hienieralnaj prakuratury Ukrainy) paviedamiła ab zaviadzieńni kryminalnaj spravy ŭ dačynieńni da hramadzian Hiermanii, jakija naviedali paŭvostraŭ. Ab hetym paviedamlajecca na sajcie viedamstva.
Prakuraturaj było «ŭstanoŭlena, što 3 lutaha 2018 hoda ŭ parušeńnie vyznačanaha paradku ŭjezdu na časova akupavanuju terytoryju Ukrainy i vyjezdu ź jaje, u Aŭtanomnuju respubliku Krym prybyli hramadzianie Fiederatyŭnaj Respubliki Hiermanija, jakija płanavali vykarystać svaju pajezdku dla sustreč z pradstaŭnikami rasijskaj akupacyjnaj ułady z metaj abmierkavańnia ź imi šlachoŭ naładžvańnia kantaktaŭ ź niamieckim bokam».
Sprava była zaviedzienaja pa častcy 1 artykuła 332-1 Kryminalnaha kodeksa Ukrainy («Parušeńnie paradku ŭjezdu na časova akupavanuju terytoryju Ukrainy»).
3 lutaha na paŭvostraŭ pryjechali deputaty rehijanalnych parłamientaŭ ad niamieckaj partyi «Alternatyva dla Hiermanii» — Bierlina, Brandenburha i Paŭnočnaha Rejna-Viestfalii.
U Bierlinie deputataŭ raskrytykavali, ale nie stali karać, pakolki, pa słovach samich parłamientaryjaŭ, jany znachodziacca ŭ Krymie z pryvatnaj pajezdkaj.