Biełaruś apynułasia ŭ 20-cy dziaržaŭ z samymi zručnymi elektronnymi dziaržpasłuhami. Da takoha mierkavańnia pryjšli analityki kampanii Artezio, jakija daśledavali dziaržaŭnyja anłajn-siervisy ŭ roznych dziaržavach. Pavodle vynikaŭ daśledavańnia, Biełaruś raźmiaściłasia na 18-j pazicyi rejtynhu, piša Tut.by.
Analityki, aceńvajučy zručnaść dziaržaŭnych internet-siervisaŭ, uličvali niekalki paramietraŭ: najaŭnaść adzinaj kropki ŭvachodu — partała, mahčymaść atrymańnia pasłuh anłajn, nakolki zručna šukać infarmacyju, a taksama hladzieli, nakolki lohka ci składana prajści aŭtentyfikacyju. «Dadatkova aceńvałasia pierśpiektyŭnaść maštabavańnia siervisaŭ z ulikam raźvićcia technałohij», — adznačajuć składalniki rejtynhu.
Ekśpierty prahnazujuć, što sa źjaŭleńniem u biełarusaŭ bijamietryčnych pašpartoŭ «pytańnie ź identyfikacyjaj budzie całkam vyrašanaje».
U pieršuju piaciorku krain z samymi zručnymi elektronnymi dziaržpasłuhami ŭvajšli Vialikabrytanija, Aŭstralija, Respublika Kareja, Sinhapur i Finlandyja.
Našy susiedzi raźmiaścilisia ŭ rejtynhu vyšej: Rasija — na 11-m miescy, Ukraina — na 15-m.
***
Na telehram-kanał «Našaj Nivy» možna padpisacca tut.
