Kisłyja napoi, takija jak fruktovyja čai i aramatyzavanyja napoi, mohuć vyklikać eroziju zuboŭ i paškodzić emal, havorycca ŭ daśledavańni kamandy Karaleŭskaha kaledža Łondana.
Navukoŭcy vyśvietlili, što ŭžyvańnie kisłych napojaŭ pamiž pryjomami ježy i raściažeńnie pracesu ich spažyvańnia pavialičvaje ryzyku erozii zuboŭ z-za patrapleńnia na ich kisłaty.
U daśledavańni, apublikavanym u British Dental Journal, razhladali charčavańnie 300 čałaviek z mocnaj erozijaj zuboŭ.
Prablema nabiraje abaroty, pakolki ludzi spažyvajuć bolš ježy, kažuć navukoŭcy.
Fruktovyja napoi i čaj, dyjetyčnyja napoi i vypiŭka z cukram — mienavita jany mohuć vyklikać znos zuboŭ.
Kali takija napoi doŭha smakavać, trymać u rocie pierad tym, jak prahłynuć, ryzyka erozii zuboŭ tolki pavialičvajecca.
Adzin z aŭtaraŭ daśledavańnia doktar Saŭrys O'Toŭł ź Instytuta stamatałohii Karaleŭskaha kaledža rastłumačyŭ: «Kali vy pjacie napoi na praciahu doŭhaha pieryjadu času, bolš za piać chvilin, abo kali vy trymajecie frukt ŭ rocie na praciahu niekalkich chvilin, a nie jaście jaho, — mienavita takija zvyčki sapraŭdy mohuć paškodzić zuby».
Jakija napoi lekary adnosiać da kisłych?
ałkahol
sadavinavyja čai
aramatyzavanyja vody
dyjetyčnyja napoi
padsałodžanyja napoi
A jakija nie kisłyja?
vada
čaj
kava
małako
hazavanaja minieralnaja vada
Daśledčyk daje niekalki paradaŭ. «Kali vy źbirajeciesia pierakusić jabłykam padčas abiedu, starajciesia ŭstrymacca ad kisłaj ježy ŭviečary. Kali vy płanujecie vypić kielich vina viečaram, to admoŭciesia ad fruktovaj harbaty ranicaj. Prosta zbałansujcie ježu ŭ vašym racyjonie», — kaža doktar Saŭrys O'Toŭł.
