Dziaŭčyna chadziła ź siamjoj pa plažy ŭ 180 kiłamietrach ad horada Piert i zaŭvažyła ŭ piasku butelku, što pabliskvała na soncy.
«My zabrali jaje dadomu i vysušyli, a kali adkryli, vyjaviłasia, što ŭnutry znachodzicca błank na niamieckaj movie z vyćviłymi zapisami ad ruki», — raspaviała Tonia Iłman, jakaja znajšła pasłańnie.
U zapiscy značyłasia, što list datavany 12 červienia 1886 hoda i butelka była vykinutaja za bort ź niamieckaha parusnaha sudna «Paŭła» u 950 kiłamietrach ad Zachodniaha ŭźbiarežža Aŭstralii.
Siamja adniesła znachodku ŭ muziej štata, dzie navukoŭcy sumiesna z kalehami ź Niderłandaŭ i Niamieččyny paćvierdzili, što pasłańnie «pryjšło» z 19 stahodździa. Jak paviedamlaje telekanał, u 1864-1933 hh. butelki z padobnymi pasłańniami skidvalisia ź niamieckich karabloŭ tysiačami dla vyvučeńnia akijaničnych płyniaŭ.