Vašynhton moža ŭvieści novyja sankcyi suprać Rasii na nastupnym tydni, ličyć kiraŭnik Nacyjanalnaj vyviedki ZŠA. Kiraŭnik Minfina kaža pra bližejšyja «niekalki tydniaŭ».
Novyja sankcyi ZŠA suprać Rasii za ŭmiašalnictva ŭ amierykanskija vybary 2016 hoda mohuć źjavicca na praciahu tydnia, zajaviŭ dyrektar Nacyjanalnaj raźviedki ZŠA sienatar Denieł Koŭts padčas słuchańniaŭ u kamitecie pa spravach uzbrojenych sił sienata. Słovy Kouts pryvodzić CNS News.
«Sankcyi razhladajucca. Ministr finansaŭ [Styvien Mnučyn], nakolki ja viedaju, daŭ zrazumieć, što ŭžo na nastupnym tydni jon, mahčyma, apublikuje śpis niekatorych z hetych sankcyjnych mier», — skazaŭ Koŭts, vystupajučy pierad kalehami. Jon taksama zajaviŭ, što vieryć, što Vašynhton da hetaha času nie raspačaŭ «dastatkovych mier» suprać dziejańniaŭ Maskvy.
Denieł Koŭts.
ZŠA nieadnarazova vyłučali abvinavačvańni suprać Maskvy za sprobu ŭmiašańnia ŭ vybary 2016 hoda ŭ ZŠA, Rasija paśladoŭna hetyja abvinavačvańni admaŭlaje.
