Novy ministr unutranych spraŭ Hiermanii Chorst Ziejechofier zajaviŭ, što, na jaho dumku, «isłamu nie miesca» ŭ krainie. Padobnaja pazicyja rezka supiarečyć palitycy kanclera Hiermanii Anhieły Mierkiel.
Ziejechofier, jaki tolki niadaŭna zaniaŭ pasadu kiraŭnika MUS ŭ novym kaalicyjnym ŭradzie, užo daŭno aktyŭna krytykuje palityku Mierkiel u dačynieńni da biežancaŭ i ciapier pradstaviŭ svajo bačańnie taho, jak vyrašyć prablemu.
Jaho słovy možna razhladać jak sprobu adyhrać častku hałasoŭ vybarščykaŭ, jakija na parłamienckich vybarach padtrymali ultrapravuju partyju «Alternatyva dla Hiermanii» (AfD).
U 2015 hodzie, kali pačali raści antymihranckija nastroi, Mierkiel zajaviła, što, na jaje dumku, isłam — častka Hiermanii, paŭtarajučy słovy byłoha prezidenta Kryścijana Vulfa.
U svaim intervju dla haziety Bild Ziejechofier skazaŭ, što Hiermaniju sfarmavała chryścijanstva i što kraina nie pavinna admaŭlacca ad svaich tradycyj.
