Ministr abarony Hiermanii Ursuła fon der Lajien ličyć, što prezident Rasii Uładzimir Pucin užo daŭno nie źjaŭlajecca partnioram Zachadu, paviedamlaje Bild.
«Pucin užo daŭno nie źjaŭlajecca partnioram», — skazała fon der Lajien. Adnak ministr nie śpiašajecca nazyvać jaho praciŭnikam, adznačajučy, što «heta moža začynić dźviery» pierad Rasijaj.
Čynoŭnica zajaviła: toje, što robić Pucin, «heta pastajannaja pravakacyja, raspalvańnie kanfliktaŭ i destabilizacyja».
Ministr abarony prama nie kaža pra «pucinskija» vojny. Naadvarot, jana pieraścierahła ad vyznačeńnia apošnich napadaŭ Rasii na Zachad słovam «vajna».
«Heta budzie mieć absalutnyja nastupstvy, kali my zajavim heta jak fiederalny ŭrad», — skazała fon der Lajien.
Ab atručvańni eks-špijona z Rasii Skrypala čynoŭnica adznačyła, što «ŭsie vysnovy, pradstaŭlenyja brytancami, pakazvajuć na Rasiju».
