Alaksandr Łukašenka paŭdzielničaŭ u cyrymonii zakryćcia turniru pa chakiei «Alimpijskija nadziei», pieradaje BIEŁTA.

U turniry pieramohli minskija «Hryfony», za jakich hulaje Mikałaj Łukašenka. Druhoje miesca zaniała kamanda «Alimp» z Bresckaj vobłaści, treciaje — minski «Miadźviedź». Na čaćviortaj pazicyi raźmiaściłasia ladovaja družyna «Miraž» z Mahiloŭskaj vobłaści.

Kiraŭnik dziaržavy ciopła pryvitaŭ usich udzielnikaŭ i sfatahrafavaŭsia ź imi.

«Takija turniry pravodzim tamu, što heta amatary: jašče maleńkija, pačatkoŭcy. Moža, jany i stanuć kaliści prafiesijanałami ŭ hetym užo nie tolki mužčynskim sporcie (žančyny pačali padciskać ŭ chakiei). Raniej praviali «Załatuju šajbu», u jakoj brali ŭdzieł tysiačy dziaciej roznych uzrostaŭ. My dali mahčymaść usim žadajučym i tym, chto lubić chakiej pakazać svajo majsterstva.

U finale «Załatoj šajby» tady pieramahła kamanda «Miadźviedź», — skazaŭ Alaksandr Łukašenka. — U turniry «Alimpijskija nadziei» čatyry lepšyja kamandy tych spabornictvaŭ iznoŭ skryžavali svaje kluški. «Hryfony» mieli mahčymaść uziać revanš za parazu ŭ «Załatoj šajbie». Jany zrabili heta hodna.

Hledziačy na vas usich, padumaŭ, napeŭna, budziem chutka zmahacca ŭ finale čempijanata śvietu. Bo paśla zaviaršeńnia vystupleńnia za nacyjanalnuju zbornuju Antonienki, Miezina, Stasia, Michalova — prorva. Vy — naša nadzieja i nie tolki alimpijskaja».

Kiraŭnik dziaržavy pavinšavaŭ udzielnikaŭ z zaviaršeńniem turniru, padziakavaŭ trenieram za padrychtoŭku hulcoŭ i paraiŭ prajhraŭšym nie zasmučacca, «bo parazy zahartoŭvajuć charaktar».

Alaksandr Łukašenka taksama padziakavaŭ baćkam za padrychtoŭku chłopcaŭ. «Biez vas ich nie było b tut. Viedaju, kolki pracy i ciarpieńnia adymaje padrychtoŭka chakieista. Paviercie, heta ŭsio akupicca ŭ sto razoŭ. Chłopcy vyrastuć sapraŭdnymi patryjotami našaj krainy», — upeŭnieny kiraŭnik dziaržavy.

Jon taksama pažadaŭ usim udzielnikam turniru ščaścia, pośpiechaŭ i novych pieramoh.

Клас
Панылы сорам
Ха-ха
Ого
Сумна
Абуральна