Varšaŭskaja prakuratura ŭpieršyniu paćvierdziła vydańniu Niezalezna, što zatrymanaha ŭ minułym hodzie prakramloŭskaha palityka i lidara partyi «Źmiena» Mateuša Piskorskaha abvinavačvajuć u špijanažy na karyść Rasii i Kitaja.
Jak piša Niezalezna, takaja infarmacyja źjaŭlałasia i raniej, ale ŭsio heta byli śpiekulacyi miedyja.
Piskorskaha zatrymali ŭ mai minułaha hoda. Viadoma, što z 2013 hoda da maja 2016 hoda jon udzielničaŭ u «dziejnaści rasijskaj hramadzianskaj vyviedki, nakiravanaj suprać Polščy». U ramkach hetaj dziejnaści jon pavinien byŭ stvaryć palityčnuju partyju i tavarystvy, jakija b finansavalisia Rasijaj.
Hetyja arhanizacyi byli zaklikany vykonvać «apieratyŭnyja zadačy, jakija vyklikali b antyŭkrainskija nastroi ŭ Polščy i palaryzavali ŭkrainska-polskija adnosiny». Piskorskaha taksama abvinavačvajuć va ŭdziele ŭ jakaści naziralnika ŭ tak zvanym «refierendumie» ŭ Krymie ŭ sakaviku 2014 hoda.
Jak adznačaje vydańnie, rasśledavańnie suprać Piskorskaha zavieršana. Termin jaho papiaredniaha źniavoleńnia zakančvajecca 7 maja 2018 hoda. Rasśledavańnie było padoŭžanaje da 27 červienia.
