Paśla dapracoŭki pratakoła pa č.3 art. 23.34 KaAP Biełarusi błohiera Eduarda Palčysa, jaki 21 lutaha źbiraŭ podpisy ŭ padtrymku biełaruskaj movy, sudzili, piša «Viasna».
Eduard Palčys paćvierdziŭ, što źbiraŭ podpisy.
Sud pryznaŭ jaho vinavatym pa č.3 art. 23.34 KaAP Respubliki Biełaruś i aštrafavaŭ na 30 bazavych vieličyniaŭ (735 rubloŭ).
Nahadajem, 13 sakavika adbyŭsia sudovy razhlad nad Eduardam Palčysam. Sudździa Frunzienskaha rajona A. Skuratovič adpraviła spravu na dapracoŭku, bo nie ŭhledzieła ŭ dziejańniach Eduarda Palčysa skład administracyjnaha pravaparušeńnia.
Takim čynam, ahulnaja suma štrafaŭ za zbory podpisaŭ u padtrymku biełaruskaj movy pa stanie na 4 krasavika składaje 320 bazavych vieličyniaŭ.
0
0
0
0
0
0
