57-hadovy lekar asudžany sudom Leninskaha rajona h. Hrodna da dvuch hadoŭ tak zvanaj chatniaj chimii, paviedamlaje UUS Hrodzienskaha abłvykankama. Doktara nie pazbavili prava zajmacca miedycynskaj dziejnaściu.
Pieršy raz lekar atrymaŭ hrošy ad hrodzienki, jakoj rabiŭ apieracyju pa vydaleńni zuba mudraści. Tady pacyjentka zapłaciła jamu 50 dalaraŭ, pakłaŭšy kupiuru ŭ kišeniu chałata.
Praź niekatory čas inšaja pacyjentka adździačyła doktara za vydaleńnie kisty anałahičnaj sumaj. Jana pakłała na stoł kanviert z kupiuraj. Doktar spačatku admaŭlaŭsia — maŭlaŭ, jamu ničoha nie treba, heta jaho niepasrednyja abaviazki, za jakija jon atrymlivaje zarobak, — ale potym kanviert usio ž uziaŭ.
Svaju vinu stamatołah pryznaŭ častkova. U dačynieńni da pieršaha vypadku śćviardžaŭ, što hrošaj jon nie braŭ i nie bačyŭ, kab chtości kłaŭ kupiuru jamu ŭ chałat. Što da druhoha epizodu, to lekar raspavioŭ, što chacieŭ viarnuć pacyjentcy hrošy, ale pieradumaŭ.
