Padčas demanstracyi novaj braniavanaj ramontna-evakuacyjnaj mašyny (BREM-84) «Atlet», ukrainskija vajskoŭcy vypadkova pakazali niezvyčajny tank. Niezvyčajnuju mašynu možna bačyć u roliku «Ukrabaronproma».
Nieviadomy tank bačny na 26-j siekundzie videa, BREM-84 «Atlet» pieramiaščaje jaho ŭ jakaści hruzu.
Vonkava tank addalena padobny na saviecki T-72, ale maje niezvyčajna doŭhi korpus i viežu, jakija nadajuć jamu padabienstva z amierykanskim tankam Abrams abo niamieckim Leopard, adznačaje «Rośsijskaja hazieta». Chutčej za ŭsio, heta demanstracyjny makiet, sabrany z bajavoj mašyny piachoty i tanka T-72-120.
Tank T-72-120 ukrainskija śpiecyjalisty raspracavali śpiecyjalna pad standarty NATO. Dla jaho stvaryli novuju 120-mm hładkastvolnuju tankavuju harmatu KBM2. U zadniaj častcy viežy ŭstalavali nišu, u jakoj raźmiaščajecca aŭtamat zaradžańnia z 22 unitarnymi strełami. Inšy bojekamplekt (20 snaradaŭ) raźmieščany ŭ karmavoj častcy bajavoha adździaleńnia. Hety tank demanstravaŭsia ŭ kancy 90-ch hadoŭ na vystavie ŭ Abu-Dabi, ale jaho nichto nie kupiŭ.
U 2000-ch hadach na bazie hetaha tanka była stvorana ciažkaja bajavaja mašyna piachoty BMT-72. Jana ŭjaŭlała saboj viežu ad T-72-120. Hetaja bajavaja mašyna časta milhała na mižnarodnych vystavach, ale taksama akazałasia niezapatrabavanaj u pakupnikoŭ. Chutčej za ŭsio, na videa trapiła mienavita jana.
