Vosieńniu 2017 lidar «Okieana Jelzi» Śviatasłaŭ Vakarčuk zajaviŭ, što hrupa biare pierapynak u kancertach, a sam pajechaŭ u Stenfardski ŭniviersitet — vučycca i vykładać.
Miž inšym va Ukrainie śpiavak znoŭ trapiŭ u sacyjałahičnyja rejtynhi jak adzin z patencyjnych pretendentaŭ na prezidenckaje kresła. Zrešty, prosta sa Štataŭ muzykant admaŭlaŭ čutki ab palityčnych ambicyjach, maŭlaŭ, ułada jaho nie cikavić.
Padčas tvorčaj paŭzy Vakarčuk amal nie źjaŭlaŭsia ŭ publičnaj prastory. Adnak ciapier jon pryjechaŭ va Ukrainu i vyrašyŭ pravieści adkrytuju sustreču sa studentami i prychilnikami ŭ Kijeva-Mahilanskaj akademii.
Samoha hościa Mahilanka sustreła avacyjami, a praviała śpievam. Jon, razdajučy aŭtohrafy, raiŭ «trymacca praŭdy». Vystup vyhladaŭ jak pačatak prezidenckaj kampanii.